Nijgadh Samachar

लालबकैया नदीमा फसेका २६ को सकुशल उद्धार

निजगढखबर, रौतहट, ४ असार 
पहाडी क्षेत्रमा भएको बर्षाका कारण लालबकैया नदीमा शुक्रबार बिहान अचानक बाढी आएपछि फसेका रौतहटका २६ जनालाई उद्धार गरिएको छ । रौतहटको इनर्वा गाविसमा रहेको लालबकैया नदीको बिच भागमा फसेकालाई स्थानीयको सहायतामा प्रहरीले डुंगा प्रयोग गरी उद्धार गरेको हो । 
     इनर्वा गाउँका बासिन्दा नदीको दुई किनारको बीच भागमा रहेको जग्गामा घाँस काट्न र बस्तुभाउ चराउन गएकाबेला अचानक बाढी आएपछि चारैतिरबाट पानीले घेरिएका थिए । 
      झण्डै चार घण्टासम्म नदीको बीच भागमा फसेपछि र बाढीको पानीले जुनसुकै बेला बगाउन सक्ने खतरा भएपछि स्थानीयले प्रहरीलाई खबर गरेका थिए । 
     नदीमा फसेकाहरुलाई नेपाल प्रहरी र सशस्त्र प्रहरीको टोलीले दिउँसो १२ बजे सकुशल उद्धार गर्न सफल भएको जिल्ला प्रहरी कार्यालय रौतहटका प्रहरी उपरिक्षक सानुबाबु थपलियाले बताए । दिउसो घाम चर्किने कारणले बिहानै खेती किसानी गर्न खोलाको बिच भागमा रहेको जग्गामा गएको केही बेरपछि बाढी आउदा गाउँलेहरु फसेको उपरिक्षक थपलियाले बताए । 
     नदीमा फसेका इनर्वा १ का प्रमोदकुमार पटेल, जोगेन्द्र गिरी, सविता देवी, पुष्पा कुमारी, लगायत २६ जनालाई सकुशल उद्धार गरिएको प्रमुख जिल्ला अधिकारी मदन भुजेलले जानकारी दिए । 
<div>
 </div>

लालबकैया नदीमा फसेका २६ को सकुशल उद्धार

निजगढखबर, रौतहट, ४ असार पहाडी क्षेत्रमा भएको बर्षाका कारण लालबकैया नदीमा शुक्रबार बिहान अचानक बाढी आएपछि फसेका रौतहटका २६ जनालाई उद्धार गरि...

यसरी हेर्न सकिन्छ एसएलसीको नतिजा

Unknown 0 1:46 AM

यसरी हेर्न सकिन्छ एसएलसीको नतिजा

निजगढ खबर, बारा, ४ असार परीक्षा नियन्त्रण कार्यालय सानो ठिमीले विसं ०७१ को प्रवेशिका परीक्षाको नतिजा शुक्रबार सार्वजनिक गरेकाे छ । एसएलसीको...

एसएलसीको नतिजा प्रकाशित, नियमिततर्फ ४७.४३ प्रतिशत उत्तीर्ण

Unknown 0 1:43 AM

निजगढ खबर, बारा, ४ असार 
वि.सं. ०७१ सालको एसएलसी परीक्षाको नतिजा प्रकाशित भएको छ । यस वर्ष नियमिततर्फ ४७.४३ प्रतिशत विद्यार्थीहरु उत्तीर्ण भएका छन् । 
      शुक्रवार प्रकाशित नतिजा अनुसार परीक्षार्थी मध्ये नियमिततर्फ एक लाख ९२ हजार २ सय ४७ जना उर्तीर्ण भएका छन् । जसमध्ये छात्रतर्फ एक लाख ९ हजार ४३ र छात्रातर्फ ८३ हजार २ सय २४ जना उर्तीर्ण भएका हुन् । 
विशिष्ट श्रेणीमा २१ हजार ४ सय ४७ जना उत्तीर्ण भएका छन् । विशिष्टमा छात्रतर्फ १२ हजार ४ सय २६ छन् भने छात्रातर्फ ८ हजार ८ सय २१ छन् । 
     प्रथम श्रेणीमा ९० हजार १ सय ७६ जना उत्तीर्ण भएका छन् । प्रथम श्रेणीमा छात्रतर्फ ५२ हजार ५ जना उत्तीर्ण भएका छन् भने प्रथम श्रेणीमा उत्तीर्ण हुने छात्राको संख्या ३८ हजार १ सय ७१ रहेको छ । 
त्यसैगरी दोस्रो श्रेणीमा छात्रतर्फ ४२ हजार १ सय ७६ र छात्रातर्फ ३४ हजार ३ सय ६ गरी कुल  ७६ हजार ४ सय ८२ जना उत्तीर्ण भएका छन् । 
    तेस्रो श्रेणीमा ४ हजार ३ सय ६२ जना उत्तीर्ण भएका छन् । तेस्रो श्रेणीमा छात्रतर्फ २ हजार ४ सय ३६ जना उत्तीर्ण छन् भने छात्रा १ हजार ९ सय २६ छन् । 
अनुर्तीण भएकाहरुको पूरक परीक्षा साउन २० गते बिहान ८ बजेदेखि हुने परीक्षा नियन्त्रण कार्यालयले जनाएको छ । 
प्राविधिक विषयको नतिजा एक हप्ता ढीलो हुने 
यस वर्षदेखि सुरु भएको प्राविधिकतर्फको प्रवेशिका परीक्षाको नतिजा भने एक साता ढिलो हुने र श्रेणीकरण पद्धतिबाट हुने द्वारेले बताए । 
यस वर्षको नियमित परीक्षामा पाँच लाख ७४ हजार ६ सय ८५,  पुनः परीक्षातर्फ एक लाख ४५ हजार एक सय ८३ तथा प्राविधिकतर्फ तीन हजार दुई सय ८८ छन् । परीक्षा गत वर्ष चैत ५ देखि १३ गतेसम्म सञ्चालन भएको थियो । 
    गत वर्ष जेठ ३० गते नतिजा सार्वजनिक  भए पनि यसवर्ष भूकम्पले कार्यालय भवनमा क्षति पुर्‍याएका कारण केही दिन  ढिलो भएको हो ।

एसएलसीको नतिजा प्रकाशित, नियमिततर्फ ४७.४३ प्रतिशत उत्तीर्ण

निजगढ खबर, बारा, ४ असार वि.सं. ०७१ सालको एसएलसी परीक्षाको नतिजा प्रकाशित भएको छ । यस वर्ष नियमिततर्फ ४७.४३ प्रतिशत विद्यार्थीहरु उत्तीर्ण भ...