धितो पास गराउने कर्मचारीलाई लक्ष्मी बैंकले कारवार्ही गर्ने

महेश्वर अधिकारी, निजगढ, २० असार
सार्वजनिक जग्गा धितो राखेर ऋण दिने तयारी गरेको लक्ष्मी बैंक काठमाण्डौंले त्यसबारे समाचार प्रकाशित भएपछि आन्तरिक रुपमा अनुसन्धान सुरु गरेको बताएको छ । सार्वजनिक जग्गा बैंकमा राखेर २१ करोड निकाल्ने तयारी
 शिर्षकको समाचार निजगढ समाचार डट ब्लगस्टोर्ट डटकममा प्रकाशित भएपछि त्यसप्रति बैंकको ध्यानाकर्ष भएको बताएको छ । बैंकको आधिकारिक फेसबुक पेजमार्फत म्यासेज पठाउदै बैंकले समाचार प्रकाशन गरेर ध्यानाकर्ष गराएकोमा धन्यवाद दिदै भनेको छ– त्यस विषयमा आन्तरिक रुपमा अनुसन्धान थालेका छौं। दोषीलाई कारवार्ही गर्ने छौं ।
यस अघि विवादित बनेको सार्वजनिक बारे समितिले जानकारी गराएपछि अस्ती धितो राख्ने तयारी भएकोमा बैंकले पछाडी हटेको बताईएको छ ।
जिल्ला मालपोत कार्यालय बाराका कर्मचारीहरुको मिलेमतोमा भुमाफियाहरुले  निजगढ नगरपालिका  ९ (साविक– ८) स्थित कि.नं. १३० को २ बिगाहा ७ कठ्ठा १७ धुर पर्ति सार्वजनिक जमिनको किर्ते कागजको भरमा  बैकमा धितो राखेर करोडौं रकम निकाल्न गरिएको प्रयास स्थानीयको अवरोधका कारण विफल भएको थियो ।
यसैबीच आज किर्ते दर्ता बदरको लागि माग पेश गर्न सरोकार समितिका पदाधिकारीहरु अहिले जिल्ला प्रशासन कार्यालय कलैया पुगेका छन् ।