भरतपुर फुटबल क्लवलाई टाईब्रेकरमा ६–५ गोल
अन्तरले पराजित गर्दै विभागीय टोलि सशस्त्र प्रहरी बल भद्रकाली गण पिलुवा बाराको
एपीएफ क्लव नेपाल आईस चौथो निजगढ गोल्डकप फुटबल प्रतियोगिताको सेमिफाईनालामा प्रवेश गरेकोछ।
निजगढको कछाडिया खेल मैदानमा भएको
प्रतियोगिताको दोश्रो क्वार्टरफाईनलमा भरतपुरसंग कठिन जित निकाल्दै एपीएफ
सेमिफाईनालामा प्रवेश गरेको हो।
खेलमा लिएको शुरुवाती अग्रता जोगाउन नसक्दा
भरतपुर क्वार्टरफाईनलबाटै बाहिरिएको हो। खेलको ५० औ मिनेटमा भरतपुरका कान्छा
गुरुङले गोल गर्दै भरतपुरलाई अग्रता दिलाएका थिए। तर डीबक्स भित्र एपीएफका
खेलाडीलाई फल गरेपछि एपिएफले पाएको पेनाल्टीलाई सदुपयोग गर्दै निरज मगरले खेलको ६६
औ मिनेटमा गोल गरेपछि निर्धा्रित समयमा खेल बराबरीमा सकिएको थियो।
टाईब्रेकरमा एपीएफका गोल किपरले उत्कृष्ट बचाउ
गरेपछि एपीएफ सेमिफाईनालामा प्रवेश गरेको हो। खेलको म्यान अफ द म्याच एपीएफका गोल
रक्षक मोहन खड्का घोषित भए। फाईनल प्रवेशकालागी एपीएफले अब आयोजक निजगढ युवा
क्लवसंग प्रतिस्पर्धा गर्नेछ। प्रतियोगिता अन्तर्गत मंगलबार हर्दी युवा समाज चितवन
र नेपाल खेलकुद क्लव रौतहटबीच तेश्रो क्वार्टरफाईनल खेल हुनेछ। खेल अपरान्ह ३
बजेदेखि शुरु हुनेछ।
चैत्र ३ गते सम्म संचालन हुने प्रतियोगितामा
आयोजक निजगढ युवा क्लव, हिमकस्तुरी
क्लव लहान, बीएफसी
भरतपुर, एफसी महोत्तरी,नेपाल
खेलकुद क्लव रौतहट, हेटौडा
एकेडेमी मकवानपुर, हल्दिवा
युवा समाज भण्डारा चितवन, जुनियर
पुलिस अफिसर्स क्लव चितवन, सशत्र
प्रहरी वल पिलुवा बाराको एपीएफ क्लव र चौधरी एघार बाराको सहभागिता रहेको छ ।
कुल १३ लाख ५० हजार लागत अनुमान गरेको
प्रतियोगिताको बिजेता टिमलाई नगद १ लाख सहित ट्रफी प्रदान गरिनेछ भने उपविजेता
टिमलाई नगद ५० हजार सहित ट्रफी प्रदान गरिनेछ। प्रतियोगितामा विधागत रुपमा
उत्कृष्ट खेलाडीले जनही नगद ३ हजारका साथै
ट्रफी र हरेक दिन म्यान अफ द म्याच घोषित खेलाडीले नगद १ हजार सहित ट्रफी प्राप्त
गर्नेछन्।
Post a Comment
Post a Comment