निजगढ समाचार जिल्ला प्रशासन कार्यालयमा दर्ता (प्रमाणपत्र सहित)

निजगढ समाचार, बारा, १३ साउन
बाराको निजगढबाट प्रकाशन गर्ने तयारीमा रहेको निजगढ समाचार साप्ताहिक पत्रिका आज जिल्ला प्रशासन कार्यालय बारा कलैयामा दर्ता भएको छ । निजगढ नगरपालिका ६ की पवित्रा कुमारी चौलागाई प्रकाशक र निजगढ ९ की समिता चौलागाई सम्पादक रहेको पत्रिका आज दर्ता भएको हो ।
जिल्ला प्रशासन कार्यालय बारामा आज दर्ता भएको पत्रिकाको दर्ता नं. ६३ रहेको छ । नेपाल सरकार सुचना विभागबाट ‘नेपाल राज्यभित्र निजगढ समाचार पत्रिका कहि कतै दर्ता नभएको अभिलेखबाट नभेटिएको’ लेखिएको पत्र प्राप्त गरेसंगै जिल्ला प्रशासन कार्यालय बारामा अनुसुचि ५ नियम ४ को उपनियम (२) संग सम्बन्धित रहेर पत्रिकाले प्रशासकीय अधिकृत रमेश दत्तको हस्ताक्षर सहितको अस्थायी प्रमाण पत्र समेत आजै प्राप्त गरेको छ ।
     तराई अफसेट प्रेस सिमरा मुद्रक रहेको पत्रिका ८ पृष्ठको रहने पत्रिकाका प्रकाशक पवित्रा कुमारी चौलागाईले जानकारी दिईन् ।
     पत्रिकाले निजगढ समाचार बल्लगस्पोर्ट डट कम मार्फत समाचार प्रकाशन गर्दै आएको छ भने निजगढ समाचार डट कम डट एनपी समेत तयार भईरहेको छ । ‘समाचार, विचार र विश्लेषणको पर्याय’ नारा रहेको पत्रिका साउन अन्तिम साता विमोचन गर्ने तयारी थालिएको पत्रिकाका कार्यकारी सम्पादक महेश्वर अधिकारीले जानकारी दिएका छन् ।