पपुवान्युगिनी विरुद्व ब्याटिङ गर्दै नेपाल

आइसिसी विश्व क्रिकेट लिग च्याम्पियनसिप स् पपुवान्युगिनी विरुद्व ब्याटिङ गर्दै नेपालआइसिसी विश्व क्रिकेट लिग च्याम्पियनसिपअन्तर्गत दोस्रो चरणको पहिलो खेलमा नेपालले अहिले पपुवा न्युगिनीबिरुद्द  प्रतिस्पर्धा गरिरहेको  छ ।
  संयुक्त अरब इमिरेट्स (युएई)को अबुधावीस्थित शेख जायद स्टेडियममा जारी खेलमा नेपालले टस जितेर  पहिले ब्याटिंग गरिरहेको छ ।
खेल प्रत्यक्ष हेर्नका लागि nijgadhsamachar.blogspot.com मा जानु होला ।
नेपाललाई पपुवा न्युगिनीसँगको खेल जित्नैपर्ने दबाब छ । नेपाल दोस्रो खेलमा भने आगामी मङ्सिर २ गते पपुवा न्युगिनीसँग नै पुनः भिड्नेछ ।
  यसअघि स्कटल्यान्डमा भएको उक्त प्रतियोगिताको पहिलो चरणमा दुई खेल खेलेको नेपालले दुबै खेलमा हार भोग्दै अङ्कविहीन छ । स्कटल्यान्डसँगको दुई खेलअन्तर्गत पहिलो खेलमा तीन रनले पराजित भएको थियो भने दोस्रो खेलमा नौ विकेटले हार बेहोरेको थियो ।
  त्यस्तै, नेदरल्यान्ड्समा भएको पहिलो चरणको खेलमा दुई खेल नै खेलेको पपुवा न्युगिनी पनि अङ्कविहीन छ । पपुवा न्युगिनी नेदरल्यान्ड्ससँग भएको पहिलो खेलमा ५ विकेटले पराजित भएको थियो भने दोस्रो खेलमा ८५ रनले हार भोगेको थियो ।
  नेपाल यसअघि भएको आइसिसी विश्व लिग क्रिकेट डिभिजन टू मा उत्कृष्ट खेल प्रदर्शन गरेपछि उक्त प्रतियोगिताको लागि छनोट भएको थियो ।
 नेपाली टोलीमा कप्तान पारस खड्का, उपकप्तान ज्ञानेन्द्र मल्लसहित सोमपाल कामी, सरद भेषवाकर, शक्ति गौचन, महेश क्षेत्री, करण केसी, पृथु बास्कोटा, इर्साद अहमद, विक्रम सोब, नरेश बुढाऐर, महबुब आलम, सुवास खकुरेल, अनिल मण्डल र वसन्त रेग्मी छन् ।
प्रतियोगितामा नेपालसहित स्कटल्यान्ड, युएई, हङ्कङ, नामिबिया, पपुवा न्युगिनी, केन्या र नेदरल्यान्ड्स गरी आठ टोली सहभागी छन्   ।