निजगढसमाचार, निजगढ
बाराको निजगढ ८ शहीद चोकस्थित औतार बचत तथा ऋण सहकारी संस्थाले राष्ट्रिय भर्ना अभियान अन्र्तगत दुई जना विद्यार्थीलाई भर्ना र वार्षिक शुल्क र पोशाक सामाग्री सहयोग गरेको छ । संस्थाको सामाजिक उत्तरदायित्व अन्र्तगत संस्थाले निजगढ ७ योजनाटोलस्थित नेत्रोदय माध्यमिक विद्यालयमा कक्षा नसर्री र कक्षा युकेजीमा क्रमशः प्रमिला माझी र रिता बराललाई भर्ना गरेको संस्थाका अध्यक्ष अजय लामाले जानकारी दिनुभयो । कार्यक्रममा भर्ना गरिदिएको छात्रालाई संस्थाले शैक्षिक सामग्री समेत वितरण गरेको थियो । संस्थाले आगामी दिनमा समेत यस्तो कामलाई निरन्तरता दिने सचिव श्रीहरी न्यौपानेले बताउनुभयो ।
विद्यालय ब्यवस्थापन समितिका अध्यक्ष मोहन डिसीले अवतार सहकारी जस्तै अन्य सहकारीले पनि भर्ना अभियानमा सहभागि हुनुपर्ने बताउनुभयो ।
कार्यक्रममा संस्थाका अध्यक्ष अजय लामासहित उपाध्यक्ष हरिबोल अधिकारी, सचिव श्रीहरी न्यौपाने, कोषाध्यक्ष हिरा लक्ष्मी लामा, कार्यपालिकाका सदस्य जगतकुमारी अधिकारी, संस्थाका सदस्य टिकामाया लामा, ब्यवस्थापक गोविन्द अधिकारी, विद्यालयका प्रधानाध्यापक कुल बहादुर अस्थानी मगर, निजगढ नगरपालिकाकी कार्यपालिका सदस्य जगत कुमारी अधिकारि लगायत सहभागि रहनुभएको थियो ।
Post a Comment
Post a Comment