धम्कि दिएको घटना प्रति क्रान्तिकारी पत्रकारको ध्यानकषर्ण (विज्ञप्ती सहित)

निजगढसमाचार, सिमरा, २२ फागुन

समाचार प्रशारण गरेको विषयमा रेडियो समपर्ण ९८.२ मेगाहर्जका कार्यकारी निर्देशक बेद भट्टराई धम्कि दिएको घटना प्रति क्रान्तिकारी पत्रकार संघ बारा शाखाको गम्भिर ध्यानाकर्षण भएको जनाएको छ । क्रान्तिकारी पत्रकार संघ बारा शाखाका अध्यक्ष महेश्वर अधिकारी द्धारा आज जारी प्रेस विज्ञप्तीमा सिमरा गोल्ड कप आयोजना गर्दा भएको खर्च सार्वजनिक नगरेको विषयमा प्रशारित समाचारलाई लिएर आयोजक नव जनजागृती युवा क्लबका सदस्य अमन लामाले भट्टराई धम्कि दिएको भन्दै गम्भिर ध्यानाकर्षण भएको विज्ञप्तीमा उल्लेख छ ।  

‘प्रशारित सामाग्रीको विषयमा असन्तुष्टि भए सम्बन्धित निकायमार्फत उपचार खोज्न सकिने ब्यवस्था हुदा हुदै धम्कि दिएर स्वतन्त्र प्रेसमाथि अंकुश लगाउने काम भएको भन्दै यस्ता कार्य नगर्न र दोषिलाई कारवार्ही गर्न सम्बन्धित निकायसंग जोडदार माग गर्दछ,’ विज्ञप्तीमा भनिएको छ । स्वतन्त्र प्रेसप्रति सबैलाई गम्भिर हुन समेत शाखा अध्यक्ष अधिकारीलेविज्ञप्ती मार्फत आग्रह गर्नु भएको छ ।