निजगढसमाचार, निजगढ
गरिब तथा अनाथ बालबलिकाहरुलाइ निःशुल्क शिक्षा प्रदान गर्दै आएको निजगढ १० लालमा सञ्चालित सस्था हाम्रो मामाघरले आईतबार किताब र ब्याग सहयोग पाएको छ ।
हाम्रो मामाघरलाई निजगढ–८ स्थित सक्षम बूक्स एन्ड स्टेशनरीले कोर्ष बुक सहयोग गरेको हो ।
हाम्रो मामाघरमा अध्यायनरत १८ जना बालबालिकालाई आवश्यक १८ सेट जीकेजी कक्षाको कोर्ष बुक बोकेर स्टेशनरीका प्रोप्राइटर सागर तामाङ थोकर र पत्नी मन्जु तामाङ्ग सहित पुगेका थिए ।
थोकर परिवारले Ace publication को १८ सेट बूक र एक कार्टून चाउचाउ सस्थामा अध्यायनरत बालबालिकालाई प्रदान गर्नुभएको थियो ।
थोकरले गत शैक्षिक बर्षमा पनि अध्यायनका लागि नर्सरी कक्षाका कोर्षबूक प्रदान गर्नुभएको थियो ।
त्यसैगरि त्यहाँका १७ जना बालबालिकाहरुलाई नेसनल लाईफ इन्स्योरेन्स कम्पनि लिमीटेड चपुर शाखामा कार्यरत निजगढका युवा समाजसेवी मुक्तिनाथ अधिकारीले स्कुल ब्याग सहयोग गरेका छन् । उनले देशका सबै अनाथ गरिव बालबालिकाहरू शिक्षावाट टाढा नरहुन भन्ने उद्देश्यले सहयोग गरेका जनाएका छन् ।
प्रहरी निरीक्षकद्धारा निरिक्षण
ईलाका प्रहरी कार्यलय निजगढका इन्स्पेक्टर दिपक रायले हाम्रो मामाघरको निरिक्षण तथा अबलोकन गरेका छन् । अबलोकन को क्रममा हाम्रो मामाघरको कामको प्रशन्सा गर्दै सस्थामा अध्यायनरत १७ जना बालबालिकाहरुलाइ १७ जोर स्कुल पोशाक समेत सहयोग गरेको संस्थाका अध्यक्ष उदयराज अधिकारीले जानकारी दिएका छन् ।
आगामी दिनहरुमा निजगढ र आसपासका बालबलिकाहरुको सुरक्षा एबम अन्य क्षेत्रमा आफुले सकेसम्म र मिले सम्मको कार्य गर्ने र हाम्रो मामाघरले चालेको हरेक कार्यहरुमा सहयोग पु¥याउने प्रतिवद्धता जनाएका थिए ।
Post a Comment
Post a Comment